ایس بی آئی کی برانچ کے باہر بے قابو ہوئی لوگوں کی بھیڑ، پولیس نے کیا لاٹھی چارج

وزیر اعظم نریندر مودی کے ذریعہ 500 -1000 نوٹ بند کئے جانے سے عام آدمی کافی پریشان ہے۔ سارا کام کاج چھوڑ کرغریب سے امیر تک یا تو نوٹ جمع کرانے یا پھر تبدیل کرانے کے لئے بینکوں میں لگی لمبی لائنوں میں کھڑے ہو رہے ہیں۔

میوات میں بینکوں کی کمی اور اوپر سے بینکوں میں عملے کی کمی نے لوگوں کی پریشانی کو اور



بڑھا دیا ہے جس کی وجہ سے میوات کے پنگنوا گاؤں میں بینک کے باہر بھیڑ بالآخر بے قابو ہوگئی ۔ بھیڑ کو قابو میں کرنے کے لئے پولیس نے ان پر لاٹھی ڈنڈے برسانے شروع کر دئیے۔ اس لاٹھی چارج میں بہت سے لوگ زخمی ہو گئے ہیں۔ لوگوں کو اس دوران کافی دقتوں کا سامنا کرنا پڑ رہا ہے۔ وہیں پولیس بھی اس بھیڑ کے آگے بے بس نظر آ رہی ہے۔